По два успешни ентериера на синџирот Кофидрим (Coffedream), првенец со кој е промовиран визуелниот идентитет на брендот во улицата Крал Петар 23 и минијатурите во пазарниот центар Сремска, осмислувањето на уште еден простор му е доверено на архитектот Милош Миросавиќ, еден од партнерите на студиото Im. architektur (www.imarchitektur.com). Локалот со кој во 2006 година новиот бренд се претстави во главната пешачка зона, ја отвори можноста за набљудување на проектирањето на ентериерот, кое не може да се сведе на распоред на мебелот, и внесе леснотија во овој тип јавни простори.

Со обврска да го задржи веќе формираниот идентитет и со желба да се внесе промена во согласност со локацијата и самиот простор во кој се наоѓа, надоврзувајќи се на соседниот парк и духот на пролетта во текот на која проектот е проектиран, авторот создал свежо и препознатливо продолжение на coffedream филозофијата. Кремзлатната и браон бојата кои го промовираа квалитетот на кафето по кои брендот сакаше да биде препознатлив, ги заменија белата, како толкување на одмереноста на луѓето и средината во која се наоѓа локалот, и зелената боја, како продолжение на соседниот парк Чубура.

Долното ниво е третирано како проект во рамките на проектот. По целата висина, сите освен еден ѕид се обложени со огледало во ленти со широчина од 15 сантиметри. Исечените и прекршени одрази на оние што се движат низ овој театарски амбиент секое одење во тоалет го претвораат во мал спектакл. За некои шик место, за други идеален филмски сет во кој и воздухот има текстура, новиот амбиент на архитектот Милош Миросавиќ нуди толкување на современоста кое ретко кого остава рамнодушен.

Фотографии: Ѓорѓе Томиќ, Фотон Имагес

Ивана ПОПОВИЌ (Наш дописник од Белград)

Објавено во број 84.